معلومات عامة عن ترافيان

[size=21]باسم الله نبدأ
الموضوع الأول (التجار)

الاستفسار الأول: لو كان عندي بعض الموارد مررة كثيرة والبعض الآخر قليلة فماذا أفعل؟
عندك خيارين:
1. باستخدام السوق وفي السوق في خيارين:
أ.بيع (وهذا الخيار لو ما كنت مستعجل) وتحط في البحث اللي إنتا تبغاه وفي العرض اللي تبغى تبيعه.
ب.شراء(وهذا الخيار لو كنت مستعجل) وتشوف العرض المناسب لك واللي راح تآخذه المحطوط في العرض.. والبحث اللي راح تعطيه للي حاطط العرض هذا.

2.باستخدام تجار المبادلة:
تروح على السوق وفيه هذا الخيار.. وراح يخلي لك كل الموارد متساوية مع بعض.. إلا لو كان عندك تقسيم فحطه ولازم يصير الباقي صفر وللعملية هذه لازم يكون عندك ذهب (3ذهبات لكل عملية)
الاستفسار الثاني: لما أروح السوق يقلي قلة تجار. ليش؟
يعني يا طويل العمر إنه تجارك خارج القرية ولازم تستناهم لمن يرجعو.

الاستفسار الثالث: لما تكون الكمية كبيرة يقلي قله تجار... ليش؟
لأنه الكمية أكبر من الحد اللي يقدر يشيله التاجر والتجار يستطيعوا حمل المواد التالية:
الرومان = 500 (المجموم = 500 مثلا 100 قمح + 200 خشب + 100 حديد + 100 حديد وبس)
الإغريق = 750
الجرمان = 1000
ومثلا... لو كنت من الرومان وتبغى ترسل موارد أو تبغى تبدل في السوق وكانت الكمية 1000 راح تستخدم تاجرين ولو ما عندك تاجرين راح يقلك قلة تجار
الاستفسار الرابع: لو أرسلت مع التجار أي شي... وبعدين أبغى ألغيهم كيف؟؟
خلاص راحت عليك يا حبيبي
الاستفسار الخامس: كيف أزود عدد التجار؟
تطور السوق... وكل ما طورت السوق مرة يزيد عندك تاجر (يعني في المستوى 10 راح يكون عندك 10 تجار)
------------------------------------------------------------------------------------------------------
الموضوع الثاني (الجيش)

الاستفسار الرابع: لما أروح على الثكنة ما أقدر أبني جنود ليش؟؟
عشان ما عندك موارد... وفي عدد راح تلاقيه اليسار هذا العدد اللي تقدر تبني بالموارد اللي عندك حاليا.
الاستفسار الخامس: ما عندي إلا نوع واحد من الجنود... كيف أقدر أطلع أنواع جديد؟
لازم تبني الأكاديمية... وعشان تبني الأكاديمية لازم يكون عندك المبنى الرئيسي مستوى 3 والثكنة مستوى 3.
الاستفسار السادس: بعد ما بنيت الأكاديمية زي ما قلتلي ما لقيت ولا جندي... إيش هذا قاعد تكذب علينا؟
لا والله ما قاعد أكذب... كل جندي له شروط... ولو تبغى تعرف الشروط روح على التوجيه على اليسار واختار قبيلتك واختار النوع اللي تبغاه (ابدأ بالترتيب (يعني من البداية)).

الاستفسار السابع: طيب الآن عندي جنود... كيف أهجم على الناس؟
تروح على القرية اللي تبغى تهجم عليها وتختار إرسال قوات بعدين اختار العدد اللي تبغى تهجم بيه وبعدين اختار نوع الهجوم (إما هجوم:عادي أو هجوم :هجوم) وتضغط تمام وبعدين راح يطلع لك عدد الجنود المشاركين في الهجوم والوقت المستغرق... ولو كنت موافق على كل المكتوب اضغط تمام مرة ثانية وراح ينطلق الهجوم (لو كنت مبتدأ يفضل إنك ما تهجم إلا على اللي عدد سكانهم أقل منك ... ويكونوا مو في تحالف).

الاستفسار الثامن: إيش الفرق بين الهجوم: عادي و الهجوم: الهجوم؟
الهجوم:كامل: يكون للتدمير وقتل جنود العدو (وراح يآخذوا موارد)
الهجوم: للنهب: يكون للسرقة ويتم فيه قتل جنود أقل وراح تكون الخسائر من جيشك أقل (وراح يآخذوا موارد)

الاستفسار التاسع: في الاكاديمية في سعر للجندي ... وفي الثكنة في سعر ثاني ... وفي الحداد في سعر ثالث ... وفي مستودع الأسلحة في سعر رابع ... إيش الهرجة؟

1. الأكاديمية : منها تجيب الجندي لأول مرة وراح يكون سعره غالي وبعد ما تجيبه منها راح تلاقيه في مكانه (ثكنة أو اسطبل...إلخ)
2. الثكنة: راح يكون نفس السعر الموجود في التوجيه ... وفيها تطلع الجنود (تدريب)
3. الحداد: تطور فيه الجنود من ناحية الهجوم.
4. مستودع الأسلحة: تطوير فيه الجنود من ناحية الدفاع.
وترقبوا التكملة عن (الصياد ومكافحته )
------------------------------------------------------------------------------------------------------
الموضوع الثالث (الصياد أو الأفخاخ)

الاستفسار الأول: هجمت على واحد إغريقي وطلع عندي في التقارير إنه كل الجنود مأسورين... ليش؟؟
عشان في ميزة زائدة عند الإغريق وهي الأفخاخ (الصياد) ... ولما راحوا جنود أسرهم عليك.
الاستفسار الثاني: طيب أبغى أفكهم ... أقدر ولا لأ؟
طبعا تقدر... بس لازم تهجم على اللي أسر جنودك هجوم كامل بعدد أكبر من جنوده وأكبر من اللي أسرهم وراح يرجعوا ومعهم الجنود المأسورين (على حسب تجاربي)
الاستفسار الثالث: طيب في حاجة لما أروح على نقطة التجمع اسمها (قتل المأسور)... إيش هذه... مو هذه يعني أفكهم؟
لا يا حبيبي... هذه يعني تقتلهم.... وتستخدم (قتل المأسور) لو ما كان عندك جنود كثيرين وما عندك أمل لتحرير جنودك فتضغط على حل عشان لا يآكلوا من قمحك ولا يخسروك على الفاضي.
الاستفسار الرابع: ما عندي جنود كثيرين عشان أحرر جنودي... إيش أسوي؟
لو كنت ما تبغاهم ومستغني عنهم سوي زي ما كتبت في الاستفسار اللي قبله.
الاستفسار الخامس: كيف أقدر أهجم على الإغريقي عشان ما يأسر جنودي؟
الطريقة: أول شي لازم يكون عندك جنود كثيرين... وبعدين ترسل الهجوم على هجمتين.... الهجوم الأول: يكونوا من النوع الأول (وغالبا راح ينأسروا)... والهجوم الثاني: يكون بعد الهجوم الأول بفترة تكون بعد الهجوم الأول ولو بثواني ويكون فيه الجيش أقوى (يعني من الأنواع الأقوى) وأرسلهم ب هجوم: كامل ... وإن شاء الله راح يقتلوا جيش عدوك ويرجعوا جنود المأسورين.... وأحيانا لما أهجم بعدد كبير ينأسروا الجنود ويتحرروا من نفس الجيش
------------------------------------------------------------------------------------------------------
الموضوع الرابع (إنشاء قرية جديدة)

الاستفسار الأول: كيف أطلع (أفتح) قرية جديدة وتكون تابعة للأولى؟
لازم تطلع 3 مستوطنين , وبعد ما تطلعهم تروح على أي قرية فاضية وتضغط (على بناء قرية جديدة).
الاستفسار الثاني: طيب كيف أطلع 3 مستوطنين عشان أطلع قرية جديدة؟
لازم تبني القصر أو السكن مستوى 10 , وعشان تبني واحد منهم لازم يكون عندك المبنى الرئيسي مستوى 5 , وبعد ما تطوره مستوى 10 راح تلاقي فيه مستوطن وتسويله تدريب.
الاستفسار الثالث: ايش الفائدة من القرية الجديدة؟
بس للتوسع وزيادة الموارد وزيادة الجيش وعشان تصير أقوى.
الاستفسار الرابع: لما تسير عندي قريتين , تكون المخازن مع بعض , والجنود مع بعض ولا كل وحدة لحال؟
لا حبيبي , كل قرية منفصلة تماما عن القرية الثانية.
الاستفسار الخامس: أقدر أرسل موارد بين القرى؟
طبعا , وخذ راحتك وأرسل على كيف كيفك ولا عليك أي شي.

الاستفسار السابع: ايش فائدة القرية اللي كلها قمح (15 حقل قمح + 1 من الأشياء الباقية)؟
لها فائدة مرررة كبيرة , والناس يتحاربوا عليها , وفائدتها إنك تجند فيها الجنود وترسل لها تعزيز لتوفر القمح فيها وما يسير عندك عجز في القمح.
الاستفسار الثامن: فين ألاقي قرية القمح هذه؟
دور في الخريطة وراح تلاقي إن شاء الله.
الاستفسار التاسع: متى أطلع قرية جديدة ؟
عندما تتوفر لديك نقاط الثقافه طلع قرية جديدة , ولما تسير قادر على حماية كل القريتين.
ترقبوا الموضوع القادم عن ( الواحات)
------------------------------------------------------------------------------------------------------
الموضوع الخامس (الواحات).
الاستفسار الأول: ايش فائدتة الواحات ؟
تزيد لك 25% أو 50% من إنتاجك على حسب نوع الواحة.
###########################################
الاستفسار الثاني: كيف أعرف ايش تزيد الواحة؟
على حسب شكلها , وهذه أنواع الواحات:
حديد 25%

@@@@@@@@@@@@@@@@@@@@@@@@@@@@@@@@
حديد 25% + قمح 25%

@@@@@@@@@@@@@@@@@@@@@@@@@@@@@@@@
خشب 25%

@@@@@@@@@@@@@@@@@@@@@@@@@@@@@@@@
خشب 25% + قمح 25%

@@@@@@@@@@@@@@@@@@@@@@@@@@@@@@@@
طين 25%

@@@@@@@@@@@@@@@@@@@@@@@@@@@@@@@@
طين 25% + قمح 25%

@@@@@@@@@@@@@@@@@@@@@@@@@@@@@@@@
قمح 25%

@@@@@@@@@@@@@@@@@@@@@@@@@@@@@@@@
قمح 50%

الاستفسار الثالث: كيف آخذ هذه الواحة؟
بهذه الخطوات:
1. لازم يكون عندك قصر الأبطال مستوى 10.
2. تهجم على الواحة وتقتل الحيوانات (الوحوش) اللي فيها.
3. تهجم ب عدة هجومات وتآخذ الواحة.
4. مبروك عليك الواحة.
الاستفسار الرابع: أقدر آخذ أي واحة؟ ولا لازم مكان محدد؟
لازم تكون في الخريطة 7*7 (يعني تبعد 3 قرى عن قريتك أكثر شي.
وهذه الصورة للتوضيح

الاستفسار الخامس: كيف أقدر آخذ واحة ثانية وثالثة؟
واحة ثانية: تطور قصر الابطال في القريه الثانية الى 10 او تطور قصر الأبطال مستوى 15.
واحة ثالثه: تطور قصر الابطال في القريه الثالثه الى 10 اوتطور قصر الأبطال مستوى 20.
الاستفسار السادس: كم أقصى حد لأخذ الواحات؟
لكل قرية 3 واحات
الاستفسار السابع: كيف آخذ واحة من قريتي الثانية؟
تهجم على الواحة من قريتك الأولى وتقتل كل الحيوانات اللي فيها. وبعدين ترسل تعزيز للقرية الثانية وتهجم فيه من هناك على القرية الثانية على الواحة وراح تسير لك (بس لازم يكون عندك قصر الأبطال في القرية الثانية مستوى 10).
ملاحظة: لو أرسلته تعزيز لأي قرية من قراك راح يسير بطل فيها . أما الجنود , لو أرسلتهم تعزيز لأي قرية من قراك راح يكونوا تعزيز وما راح تقتدر تستعملهم.
الاستفسار الثامن: لو أخذت واحة وأبغى أبدلها , أقدر ألغيها ولا لأ؟
تقدر , روح على قصر الأبطال , وراح تلاقي علامة () جنب الواحة , اضغط عليها وراح تسير مو لك.
وشكرا
تحياتي.....

[/size]

» .·:*¨`*:·. معلومات عامة.·:*`¨*:·.
» معلومات عامة عن برج إيفل
» معلومات عن حلب
» معلومات عن حمص
» معلومات عن سوريا